ബ്രസീലിയ: ഫിഫ ലോകകപ്പിനു മുന്നോടിയായുള്ള രാജ്യാന്തര സൗഹൃദമത്സരത്തിനുള്ള ബ്രസീല് ടീമില്നിന്ന് ഗോള് കീപ്പര് ആലിസണ് ബെക്കര് പുറത്ത്.
ഫ്രാന്സ്, ക്രൊയേഷ്യ ടീമുകള്ക്ക് എതിരേയാണ് ബ്രസീലിന്റെ സൗഹൃദ മത്സരങ്ങള്. മാര്ച്ച് 27നാണ് ബ്രസീല് x ഫ്രാന്സ് സൂപ്പര് പോരാട്ടം.
ഏപ്രില് ഒന്നിന് കാനറികള് ക്രൊയേഷ്യയെ നേരിടും. ഫിറ്റ്നസ് ഇല്ലാത്ത പശ്ചാത്തലത്തില് സൂപ്പര് താരം നെയ്മറിനെ ഉള്പ്പെടുത്താതെയാണ് ബ്രസീല് ടീമിനെ കോച്ച് കാര്ലോ ആന്സിലോട്ടി പ്രഖ്യാപിച്ചത്.
പരിക്കിനെത്തുടര്ന്ന് ഇംഗ്ലീഷ് ക്ലബ്ബായ ലിവര്പൂള് എഫ്സിയുടെ മത്സരങ്ങളില്നിന്നും ആലിസണിനെ ഒഴിവാക്കിയിരുന്നു. ആലിസണിനു പകരമായി കോറിന്ത്യന്സിന്റെ ഹ്യൂഹൊ സോസ ബ്രസീല് ടീമില് ഉള്പ്പെട്ടു.
E-paper LOGIN
LOGIN
